KÓKTAL MEShITINDE «DIN MEN DÁSTÚR» TAQYRYBYNDA AShYQ SABAQ ÓTTI (FOTO)

Astana qalasyndaǵy Kóktal meshitinde «Jastar» bólimi jáne áıel-qyzdar sektory arasynda «Din men Dástúr» taqyrybynda ashyq sabaq  ótti.  Ashyq sabaq aıasynda din men dástúr sabaqtastyǵy, qazaq halqynyń ǵıbratty ádet-ǵuryptary dáriptelip, jamaǵatqa keńinen túsindirildi.

Ashyq sabaq barysynda «qyrqynan shyǵarý», «tusaý kesý», «Balaǵa azan shaqyryp at qoıý» sekildi rásimder kórinis arqyly kórsetip, kelgen jamaǵatqa bul ǵuryptardyń mańyzdylyǵyn túsindirdi.

Ashyq sabaqqa QMDB Áıel-qyzdar sektorynyń meńgerýshisi Dınara Nurǵalıeva ustaz, Respýblıkalyq Bas meshit ustazy Álııa Ýmerbekova, «Yryskeldi qajy» meshitiniń ustazy Tańsholpan Týrlybaeva qatysyp, izgi tilekterin bildirdi.

Shara sońynda meshit atynan barsha shákirtterge alǵys hat pen syılyqtar  tabystaldy.