KÓKTAL MEShITINDE «DIN MEN DÁSTÚR» ATTY BILIM SAIYSY ÓTTI (FOTO)

QMDB Astana qalasy ókildigine qarasty Kóktal meshitiniń shákirtteri arasynda «Din men Dástúr» atty bilim saıysy ótti. Jarys meshit jamaǵaty arasynda dinge, dástúrge jáne Qazaqstan tarıhyna qatysty suraqtar boıynsha iriktelip alynǵan 8 úmitker arasynda uıymdastyryldy.

Saıyskerlerge laıyqty baǵasyn berip, ádil tórelik etý úshin ádilqazy alqasyna «Áziret Sultan» meshitiniń naıb ımamy Salımbaev Omar, «Astana medresesiniń ustazy Dáýren Jaqypjanov, Kóktal eldimekeni aqsaqaldar alqasynyń tóraǵasy Qusaıynov Sabyr taǵaıyndaldy.

Úmitkerler «Sálem sózdiń anasy» atalymy  boıynsha ózderin qazaqy qar óleńmen tanystyryp, jyrdan shashý shashty. «Ónerli órge júzer» atalymynda úı tapsyrmasyn oryndady, ıaǵnı árkim salt-dástúrge baılanysty qazaqı naqyshtaǵy bir óner kórsetti. «Júzden júırik» atalymynda qatysýshylar Ekrandaǵy Islam tarıhyna (Paıǵambarymyz ben Sahabalar ómirine) qatysty suraqtarǵa jaýap berse, «Doda» atalymynda ár top Ekrandaǵy Fıqh, Aqıda máselelerine baılanysty suraqtarǵa jaýap beredi. «Máre» aqyrǵy aınalymda qalǵan 3 saıysker Din men Dástúr jáne Qazaqstan tarıhyna baılanysty suraqtarǵa jaýap berdi. «Bilimdi myńda jyǵar» demekshi, osy sheshýshi aınalymda alǵan upaıyna oraı 3-oryn  Mazıtov Farıd, 2-oryn Sadýaqasov Baýyrjan, Bas júlde  Saıtjan Almatqa berildi.

Shara sońynda jeńimpazdardy marapattap, syı-sııapat berildi. Jáne jarysqa qatysýshylar arnaıy jaıylǵan dastarhannyń qonaǵy boldy.