Kóktal meshiti: Jas otbasylarǵa arnalǵan semınar ótti (foto)

Búgin Astana qalasyndaǵy «Kóktal» meshitinde «Baqytty jas otbasy» atty jas jubaılarǵa arnalǵan semınar ótti. Qasıetti Quran aıattarymen bastalǵan jıynǵa Elorda meshitterinde neke qıdyrǵan jas jubaılar shaqyrylyp, otbasy qundylyǵy jaıynda nasıhat aıtyldy.

Meshittiń bas ımamy Sábıt Erejepov alǵy sóz sóılep, búgingi jıynnyń mańyzdylyǵy týraly aıtyp, qonaqtarmen tanystyrdy.

Astana qalasynyń bas ımamy Erbolat Nuryldauly semınarǵa qatysýshylarǵa izgi tilegin bildirip, otbasylyq baqytqa jetý joldaryn aıtty.  Ata-anany qadirleý, jubaılar arasyndaǵy kelisim men teńdik, t.b. taqyryptarda oı órbitken bas ımam ýaǵyzy jańadan shańyraq kótergender úshin úlken azyq boldy.

Bas ımam nasıhatynan keıin búgingi semınarǵa arnaıy shaqyrylǵan psıholog Asııa Temirshot sóz alyp, otbasyndaǵy qarym-qatynas máseleleri men olardyń sheshý joldaryn aıtty. Keıbir otbasylyq kıkiljińderdiń sheshimi men bala tárbıesindegi atqarylýy kerek mańyzdy áreketterdi psıhologııalyq turǵydan taldap, aıshyqtap berdi.

Shara sońynda semınarǵa qatysýshylar óz suraqtaryn qoıýǵa múmkindik aldy.