«Kóktal» meshiti: Alǵash oraza ustaýshylarǵa arnalǵan semınar ótti (foto)

QMDB Astana qalasy ókildigine qarasty «Kóktal» meshitinde nýtrıtsolog mamannyń qatysýymen «Meniń alǵashqy orazam» atty semınar ótti. Sharany meshit bas ımamy Sábıt Erejepov alǵy sóz sóılep ashyp berdi. Ol alǵash ret oraza ustap jatqan kelýshi jamaǵatqa Ramazandaǵy orazanyń ereksheligin aıtyp, orazanyń saýabyn aıtyp súıinshiledi.

Arnaıy shaqyrylǵan nýtrıtsolog maman Ásııa Temirshot orazanyń rýhanı jáne tándik paıdasyn aıtty. Spıkerdiń dárisi qatysýshylar úshin tyń jaıttardyń betin ashyp, aýyzashar men sáresi kezinde oryn alyp jatatyn keıbir qatelikterden aýlaq bolýǵa úıretti.

Jıyn sońynda «Áziret sultan» meshitiniń naıb ımamy Oljas Baqytuly sóz sóılep, búgingi sharanyń mańyzdylyǵyn atap ótti. Sondaı-aq, shaqyrylǵan qonaqqa óz alǵysyn bildirip, jınalǵan jamaǵatqa Ramazan aıynyń sońǵy on kúndigi týraly óz nasıhatyn aıtty.

Источник: Aidos