«Hanshatyr» saýda ortalyǵynda «Qurban aıtta qýandyr!» jobasy ótti (FOTO)

Qasıetti Qurban aıt  – ısi musylman qaýymy erekshe qadir tutyp, qasterlegen ulyq mereke. Dástúri dinnen bastaý alyp, salty súnnetpen ushtasqan halqymyzdyń aıryqsha atap ótetin, asyǵa kútetin meıramy da osy Qurban aıt. Aıt kúnderi dana halqymyz shynaıy nıetpen qurban shalǵannan keıin, aǵaıyn-týysqa aıtshylap, aradaǵy arazdyqty umytyp, saýapqa toly ıgi amaldardy kóptep atqarýǵa umtylǵan.

Osy oraıda QMDB Nur-Sultan qalasy ókildigi Qurban aıt merekesiniń mańyzyn jurtshylyq arasynda keńinen nasıhattaý maqsatynda túrli jobalar bastaǵan bolatyn. Sonyń biri jas bldirshinderge mereke shýaǵyn sezindirýge baǵyttalǵan «Qurban aıtta qýandyr!» jobasy aıttyń alǵashqy kúni «Hanshatyr» saýda ortalyǵynda uıymdastyryldy.

Nur-Sultan qalasynyń jáne respýblıkalyq «Áziret Sultan» meshitiniń bas ımamy Erbolat Júsipov sharaǵa arnaıy qatysyp, jurtshylyqqa quttyqtaý lebizin bildirdi. Búgingi mereke balalar esinde tátti esteliktermen bastalsyn degen nıetpen ókildik atynan 200 baldyrǵanǵa aıttyq syılyǵy («Qurban aıt qutty bolsyn!» degen jazýly pen balmuzdaq) beriletin aıtyp, taratý rásimin bastap berdi.

Aıt merekesine oraı uıymdastyrylǵan saýapty sharaǵa «Astana sazy» qazaq memlekettik folklorlyq ansambli de óz úlesterin qosyp, jetekshisi Baýyrjan Aqtaev bastaǵan ujym kórermenderge qazaq halqynyń kúılerinen shashý shashty.

Sýretterdi «FOTOGALEREIa» aıdarynan kóre alasyzdar!