Halyqaralyq jastar forýmy úndeý jarııalady
Táni saý, otanshyl, boıyna rýhanı qundylyqtardy qalyptastyrǵan jastar qataryn kóbeıtý – qaı dáýirde bolsyn memleket aldyndaǵy eń mańyzdy mindetterdiń biri bolyp qala beredi. Búginde jastar saıasatyna qatysty basty basymdyqtardyń biri – jas býyndy jan-jaqty bilim alýǵa, otansúıgishtik pen patrıotızmge tárbıeleý. Osy maqsat-murattardy júıeli túrde júzege asyrý maqsatynda elimizde 2019 jyl – Jastar jyly dep jarııalandy.
Salt-dástúrdi saqtaýda, ádet-ǵurypty nasıhattaýda dinı qundylyqtardyń róli óte joǵary. Elimizde dinı tatýlyq pen kelisim, ultaralyq birlik pen ózara túsinik qundylyqtary qalyptasqan. Osy ıgi dástúrdi nyǵaıtýda jastardyń úlesi úlken. Bul rette jas urpaqtyń dástúrli dinder tarıhy men qaǵıdattaryn, din ǵulamalarynyń eńbekterin tereń bilýi mańyzdy.
Osy atalǵan múddelerdi eskere kele, biz jastar qaýymyn qoǵam ıgiligi úshin eńbek etýge, el ishindegi daryndy hám abyroıly tulǵalardyń, ár saladaǵy ǵalymdardyń, ulaǵatty ustazdardyń eren eńbekterinen sabaq alyp, otanshyl rýhtyń shynaıy mánin túsinýge shaqyramyz.
Búgingi tańda destrýktıvti dinı aǵymdardyń el arasyna etene enip, jastardyń sanasyna teris áser etý áreketterin júzege asyryp jatqany barsha jurtty alańdatyp otyrǵan kúrdeli másele. Halyqty saqtandyryp, bul úrdiske jan-jaqty tosqaýyl qoıý – barshamyzdyń basty maqsatymyz bolýy tıis. Biz Qazaqstannyń baıtaq jerinde ártúrli ulystardyń, mádenıetter men dinderdiń ókilderi ǵasyrlar boıy tatý ǵumyr keship jatqanyn umytpaýymyz kerek. Jastarǵa, jalpy jurtymyzǵa tolyqqandy, sapaly, básekege qabiletti dinı bilim berýde, ulaǵatty urpaq tárbıeleýde zaıyrly bilimmen qosa, basqa da salalardy ulttyq qundylyqtarymyzben sabaqtastyra otyryp túsindirý týraly Úndeý joldaımyz.
Qoryta kele aıtarymyz: kez kelgen memlekettiń jarqyn bolashaǵy jastardyń bolmysy men sanasyna, mádenı damýyna, bilim men tájirıbe deńgeıine baılanysty. Sondyqtan qazirgi tańda elimizde jastardyń rýhanı-tanymdyq tárbıesin, jan-jaqty saýattylyǵyn arttyrýdyń mańyzy orasan. Osy baǵytta barshańyzdy ortaq maqsatqa jumylyp, yntymaqtastyq arttyryp, birlesken jobalardy júzege asyrýǵa shaqyramyz.
Nur-Sultan qalasy, 2019 jyl
