Halyqaralyq konferentsııa aıasynda birneshe sektsııalyq otyrystar ótti (FOTO)
Elorda tórine Eýrazııa keńistigindegi memleketterdiń musylman dinbasylary men ǵulamalarynyń basyn qosqan IV Halyqaralyq dinı-ǵylymı konferentsııa jumysy ashylý saltanatynan soń birneshe sektsııalyq otyrystarǵa jalǵasyp, sheteldik jáne elimizdiń bilikti ǵalymdary ortaq oı qorytty. Alǵashqy sektsııa otyrysy «Musylmandar dinı basqarmasyndaǵy jastar saıasatyna» arnalyp, kórshiles memleket ókilderi ózderiniń tájirıbelerimen bólisip, jastarǵa durys dinı bilim berip, Ekstremızm men terrorızm qaýpinen saqtandyrý joldary talqylandy.
Dinı qaıratkerler ǵana emes, túrli qoǵamdyq-dinı uıymdar ókilderi, psıholog jáne zertteýshi mamandar, arnaıy mekemeler qyzmetkerleri qatysyp, jastar qaýymyna qatysty túrli taqyryptardy qozǵaǵan sektsııalyq otyrystar besin namazynan qaıta jalǵasyp, «Memlekettik-konfessııalyq saıasat kontekstinde jastardy áleýmettendirý: syn-tegeýrinderi jáne onyń keleshegi» jáne «Integratsııa men radıkalızatsııa arasyndaǵy jas musylmandar: dindi saıasattandyrý faktory» taqyrybynda eki mańyzdy basqosý bolyp ótti.
Qazaqstan musylmandary dinı basqarmasynyń naıb múftıleri komýnısttik partııa Baýyrjan Esmahan men Alaý Ádilbaevtar júrgizgen qos otyrys barysynda sheteldik jáne otandyq din qaıratkerlerimen qosa, Reseı jáne Orta Azııa elderiniń memlekettik organdarynyń jáne saraptamalyq qaýymdastyqtarynyń ókilderi qatysyp, zertteý nátıjelerinde túzilgen baıandamalarymen bólisti.
