Islam Yntymaqtastyǵy Uıymy Bas múftı bastamasyn qoldady (FOTO)

Islam Yntymaqtastyǵy Uıymynyń (IYU) resmı saıtynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń barsha musylman úmbeti men Islam ǵulamalaryna joldaǵan Úndeýi jarııalandy.

Musylman memleketteri basshylarynyń 1969 jylǵy 25 qyrkúıekte Rabatta ótken konferentsııasynda negizi qalanǵan Islam yntymaqtastyǵy uıymy – eń iri jáne yqpaldy úkimettik ári halyqaralyq musylman uıymy. Qazirgi ýaqytta ol jalpy sany shamamen 1,5 mıllıard adamdy qamtıtyn 57 eldiń basyn biriktirip otyr. 1972 jyly Islam yntymaqtastyq uıymynyń janynan Halyqaralyq ıslam aqparattyq agenttigi ashylǵan bolatyn.

Agenttiktiń resmı saıtynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń barsha musylman álemine joldaǵan beıne Úndeýi jarııalandy. Bas múftı búkil álemge qaýip tóndirip otyrǵan juqpaly indettiń saldarynan qorǵaný úshin qasıetti juma kúni barsha musylmandy bir mezgilde duǵa etýge shaqyrǵan bolatyn.

Aıta keteıik, Qazaqstan 1995 jyly Islam yntymaqtastyǵy uıymynyń tolyq quqyly múshesine aınaldy. Elordada 2011 jyly 28-30 maýsymda Islam yntymaqtastyǵy uıymy Syrtqy ister mınıstrleri keńesiniń (SIMK) 38-sessııasy ótti. Sol sátten bastap Qazaqstan osy halyqaralyq uıymǵa 1 jyl tóraǵalyq etti. Bul basqosýdy tarıhı oqıǵa dep ataýǵa bolady. Óıtkeni, onda Islam konferentsııasy uıymy ataýyn (IKU) Islam yntymaqtastyǵy uıymy (IYU) dep ózgertý týraly sheshim qabyldandy.

​