«IMuslim» mobıldik qoldanba iske qosyldy!

Elorda jastarynan quralǵan «IMuslim» toby jaqynda Qazaqstan musylmandary úshin qajettiligi óte zor mobıldik qoldanba daıyndap shyǵardy. Toptyń ataýyna sáıkes «IMuslim» dep atalǵan mobıldik qoldanba Android jáne iOS qurylǵylaryna laıyqtalyp jasalǵan.

Qoldanbada namaz kestesi, qubyla jáne Quran tyńdaý sııaqty standartty fýnktsııalardan basqa, musylman jamaǵatynyń kúndelikti qajettilikterin eskere otyryp, eń jaqyn meshit nemese namazhana izdeý fýnktsııasy, halal uıymdardy, qaladaǵy eń jaqyn halal kafeler men meıramhanalardyń, dúkenderdiń, dinı zattar men ıslam ádebıetin satý núkteleriniń tizimi men mekenjaılary kórsetilgen.

Aty-jónderi atalmaýyn suraǵan «IMuslim» tobynyń mamandary qoldanbany aı saıyn jańartyp, jańa fýnktsııalar qosý ústinde ekenin jetkizdi. «Jaqynda ǵana ıslam qabyldaýshylarǵa arnap biz «Namaz úırený», «Shahada», «Musylman qorǵany», «Tájýıd úıretý» bólimderin qostyq», – deıdi olar.

«Bizdiń qoldanbamyz belsendi túrde damyp keledi, biz qoldanbany kúndelikti dinı tájirıbede sizdiń seriktesińiz jáne kómekshińiz etý úshin kún saıyn jumys isteımiz. Jaqynda biz «Ramazan» bólimi jáne qosymsha qyzyqty fýnktsııalardy qosamyz. Belsendi túrde damyp kele jatqan «Qaıyrymdylyq» bólimi halyq ıgiligi úshin jumys isteıtin bolady», – dep Ramazan qarsańyndaǵy josparlarymen de bólisti.

QOLDANBANY JÚKTEÝ ÚShIN:

Android qoldanbasy:
https://play.google.com/store/apps/details?id=com.zoom.imuslim

iOS qoldanbasy:
https://apps.apple.com/kz/app/imuslim/id1572608779