«IMANI JAZ-2023» JAZǴY SAÝAT AShÝ KÝRSY AIaQTALDY (FOTO)

Astana qalasyndaǵy «Áziret Sultan» meshitinde maýsym aıynyń basynda bastalǵan «Imanı jaz – 2023» jazǵy saýat ashý kýrsy búgin óz máresine jetip, bala shákirttermen qoshtasý keshi bolyp ótti. Shara barysynda Azııa jáne álem chempıony Sanjar Táshkenbaımen syrly suhbat ótip, balalar chempıonǵa óz suraqtaryn qoıdy. Sondaı-aq, sportshy on shaqty balaǵa atalǵan kýrsty bitirgeni týraly anyqtama qaǵazyn óz qolymen tabystady.

Budan soń jazǵy saýat ashý kýrsynyń shákirtterine QazUÓÝ kolledj oqytýshysy, ónertanýshy Aıgerim Majıthanqyzy sýret óneri týraly qyzyqty aqparattarmen bólisip, «Meniń kórikti meshitim» atty sýret baıqaýynyń jeńimpazdaryn marapattady. Sondaı-aq, lager boıy júrgizilgen sporttyq jarystar men shyǵarmashylyq baıqaýlardyń qorytyndysy jarııalanyp, jeńimpazdar arnaıy syılyqpen jáne dıplommen marapattaldy.

Aıta keteıik, bıylǵy jyly «Áziret Sultan» meshiti uıymdastyrǵan jazǵy saýat ashý kýrsyna 600-ge jýyq shákirt qabyldanǵan bolatyn. Bala shákirtter 20 kún ishinde «Quran álippesi» jáne «Imandylyq álippesimen» tanysyp, «Tárbıe dáristerin» támamdap shyqty. Shákirtterdiń barlyǵy oqý baǵdarlamasyn aıaqtaǵany úshin arnaıy «Anyqtamamen» marapattaldy.

Jabylý saltanaty ótken zalǵa shákirtterdiń salǵan sýretteri qoıylyp, keshtiń sánin asha tústi. Shara sońynda balalarǵa tegin balmuzdaqtar taratylyp, anımatorlarmen kóńildi oıyn ótkizildi.

Sýretterdi «FOTOGALEREIa» aıdarynan kóre alasyzdar!

Источник: Aidos