«ÁR-RAHMAN»: IǴTIKAFQA KIRGEN JAMAǴATQA ÝAǴYZ-NASIHAT JÚRGIZILDI (FOTO)

Qazaqstan musylmandary dinı basqarmasy Astana qalasy ókildigine qarasty «ar-Rahman» meshitinde jıyrmaǵa jýyq jamaǵat ıǵtıkafqa nıet etti. Qulshylyq úıiniń ımamy Jandos Atambaev on kúndik qulshylyqqa nıet etip kelip otyrǵan jamaǵatqa óziniń ýaǵyz-nasıhatyn aıtyp, ıǵtıkaftyń mańyzdylyǵy men saýaby jaıynda baıandap ótti.

Aıta ketsek, qazirgi ýaqytta Astana meshitterinde jamaǵat ıǵtıkafqa degen nıetpen meshitke kelýde. Iǵtıkaf degenimiz - jamaǵatpen namaz oqylatyn meshitte orazaly kúıde qonaqtaý demek. Qonaqtaý ıǵtıkaftyń irgeli shartynan bolyp tabylady. Ramazannyń sońǵy on kúndiginde ıǵtıkafta otyrý súnnet kıfaıa bolyp sanalady. Óıtkeni Paıǵambarymyz ﷺ Mádınaǵa qonys tepken soń ony eshqashan qaldyrmaı úzdiksiz atqarǵan. Osyǵan oraıda bul Ardaqty Elshiden ﷺ qalǵan bir dara súnnet bolyp tabylady.

Источник: Aidos