«Ǵylmanı» meshitinde «Alǵys aıtý kúnine» oraı arnaıy shara ótti (FOTO)

Allanyń aqyrǵy Elshisi (oǵan Allanyń salaýaty men sálemi bolsyn) bir hadısinde: «Adamǵa alǵys aıta almaǵan, Allaǵa shúkir ete almaıdy», – deıdi. Ózara tilektestikti, janashyrlyqty, qamqorlyqty dáripteıtin aıtýly kúnde aqsaqaldarǵa alǵys aıtý – jas býynnyń mindeti. 

«Sádýaqas qajy Ǵylmanı» meshiti bas qaladaǵy eń alǵashqy meshit bolǵandyqtan bul jerdegi aqsaqaldardyń oryny men róli aıryqsha. 

Búgingi alǵys aıtý kúnine oraı bas ımam Rýslan Baızaqov pen QMDB «Zeket» qorynyń elorda fılıalynyń jaýapty qyzmetkeri Mereı Jaqııa aqsaqaldarǵa alǵys aıtyp, meshit atynan syı-syıapat tabystady.