EUÝ STÝDENTTERI «ÁZIRET SULTAN» MEShITINDE QONAQTA BOLDY (FOTO)

Astana qalasyndaǵy L.Gýmılev atyndaǵy Eýrazııa Ulttyq ýnıversıtetiniń stýdentteri búgin «Áziret Sultan» meshitine qonaqqa kelip, qulshylyq ordasymen tanysyp qaıtty. Dinı teris aǵymdarǵa qarsy ımmýnıtet qalyptastyryp, jastardy qajetti aqparattarmen tanystyrý maqsatynda ýnıversıtet ustazdarynyń uıymdastyrýymen ótken bul shara stýdentter úshin, rasynda da, paıdaly ótti.

Bilim jolyndaǵy jastardy «Áziret Sultan» meshitiniń bas ımamy Erbolat Júsipov ózi qarsy alyp, qulshylyq ordasymen tanystyrdy. Kezdesý sońynda jastarǵa nasıhat aıtyp, adam ǵumyrynyń eń qýatty shaǵy – jastyq kezeńdi bilim-ǵylymǵa, óner úırenýge úndedi.

Sondaı-aq, stýdentter jastarǵa «Áziret Sultan» meshitiniń naıb ımamy, elimizge belgili qarı Jumanazar Sadyrhanov da asyl dinimiz jaıly aqparattyq nasıhat aıtyp, qajetti maǵlumattarmen bólisti.