ELORDALYQ DIN QYZMETKERLERI SENBILIKKE QATYSTY (FOTO)

Búgin Elordada «Jasyl Astana» Ekologııalyq aktsııasy aıasynda jalpyqalalyq senbilik ótip, jalpy sany 1240 jasyl jelek otyrǵyzyldy. Igi sharaǵa qala turǵyndarymen birge máslıhat depýtattary, aýdandyq ákimdikter, kommýnaldyq kásiporyndar, turǵyndar, stýdentter, eriktiler, Ekoaktıvıster men memlekettik mekemelerdiń qyzmetkerleri belsendi qatysyp, óz úlesin qosty.

QMDB Astana qalasy ókildiginiń qyzmetkerleri de búgin bilekterin sybana jumysqa kirisip, Q.Qýanyshbaev atyndaǵy memlekettik akademııalyq qazaq mýzykalyq drama teatry aýmaǵyna aǵash otyrǵyzyp qaıtty. Qala bas ımamy Erbolat Júsipov bastaǵan din qyzmetkerleri saıabaq aýmaǵyn kir-qoqystan tazartyp, jamaǵatpen birge ıgi is atqardy.

Aıta keteıik, «Jasyl Astana» dástúrli Ekologııalyq aılyǵy 15 qazanǵa deıin jalǵasady.