ELORDALYQ ÁIEL-QYZDAR «BILIMDI MYŃDY JYǴAR» SAIYSYNDA BAQ SYNADY (FOTO)

QMDB Astana qalasy ókildigi «Áıel-qyzdar» sektorynyń uıymdastyrýymen «Yryskeldi qajy» meshitinde din men dástúr aıasynda áıel-qyzdar arasynda «Bilimdi myńdy jyǵar» saıysy ótti.

Sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov, «Áziret Sultan» meshitiniń ustazy Kúlsara Beket, «Muftiyat» baspasynyń qyzmetkeri Janel Táńirbergenqyzy, Respýblıkalyq Bas meshit ustazy Farıda Maratqyzy, fılologııa ǵylymynyń kandıdaty, «Áziret Sultan» meshitiniń jamaǵaty, aq jaýlyqty áje Aldan Altaıqyzy jáne elordalyq áıel ustazdar qaýymy men meshit jamaǵaty qatysty.

Qasıetti Quran aıattarymen bastalǵan bilim saıysynda áıel-qyzdar ártúrli kezeńderden ótip, óz komandalarymen birlese otyryp, bilimderi men qyraǵylyqtaryn sarapqa saldy. Suraqtar qatysýshylarǵa Ekran arqyly usynylyp, ózderi tańdaǵan uıashyqtar boıynsha jaýap berip otyrdy. Sondaı-aq, komandalar saıysta óz qoldarymen jasap shyqqan qolóner buıymdaryn kórsetip, «Din men dástúr» úshinshi kitabynan qoıylǵan suraqtarǵa jaýap berdi. 

Dinimiz ben dástúrimizdi ushtastyratyn alýan túrli suraqtarǵa jaýap izdegen qyz-kelinshekter ózderiniń uıymshyldyqtary men bar ónerlerin pash etti. Áserese, komandalardyń ózara yntymaqtastyǵy men uıymshyldyǵy, bir-birine degen janashyrlyqtary kórermen jurtshylyqty tánti etti.

Saıys sońynda I, II, III orynǵa ıe bolǵan komandalarǵa 50 000 ₸, 30 000 ₸, 20 000 ₸ kóleminde aqshalaı syıaqylar berilip, arnaıy alǵys hattar tabystaldy.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aidos