Elordadaǵy «Ǵylmanı» meshitine jańa Bas ımam taǵaıyndaldy (FOTO)

Búgin, qasıetti juma kúni Nur-Sultan qalasyndaǵy «Sádýaqas qajy Ǵylmanı» meshitine jańa bas ımam taǵaıyndaldy. Juma namazyna jıylǵan jamaǵatqa qala bas ımamy Erbolat Júsipov Bas múftı Naýryzbaı qajy Taǵanulynyń buıryǵyn oqyp berip, búginnen bastap qulshylyq ordasynyń Bas ımam qyzmetine taǵaıyndalǵan Baızaqov Rýslan Naqypbekulyn tanystyrdy.

Elorda jamaǵatyna burynnan tanys Rýslan Naqypbekulynyń buǵan deıin Nur-Sultan ókildigine qarasty «Nur Astana», «Ár-Rahman» meshitterinde jemisti eńbek atqarǵanyn atap ótken Erbolat Nuryldauly jańa qyzmetine sáttilik tilep, izgi lebizin bildirdi.

Baızaqov Rýslan Naqypbekuly 1989 jyly 1 naýryzda Túrkistan oblysynda dúnıege kelgen.

Bilim deńgeıi: 
Joǵary

2021 jyly Ál-Azhar ýnıversıtetinde  Imamdardyń bilimin jetildirý kýrsynan ótti.

Jumys ótili:

2012-2013 jyldary Qaraǵandy obylysy, Saran qalasynyń, Saran ortalyq meshitinde naıb ımam;
2013-2016 jyly Almaty qalasyndaǵy «Fatıma» meshitiniń naıb ımamy;
2016-2019 j Nur-Sultan qalasy, «Nur-Astana» meshitiniń naıb ımamy;
2019 jyldan bastap «Ar-Rahman» meshitiniń Bas ımamy qyzmetin atqaryp kelgen.