Elordada V Respýblıkalyq azanshylar jarysyna irikteý ótti (FOTO)

Búgin QMDB Nur-Sultan ókildigi boıynsha «Ádemi áýezdi azanshy» V respýblıkalyq azanshylar jarysyna irikteý saıysy ótti. «Yryskeldi qajy» meshitinde ótken irikteý kezeńine qala meshitteriniń qyzmetkerleri qatysyp, ózara shyn myqtyny anyqtady.

Aıtýly sharaǵa qala bas ımamy Erbolat Júsipov arnaıy qatysyp, búgingi saıystyń mańyzdylyǵyna toqtaldy. Islam álemindegi azannyń orny jaıynda nasıhat aıtyp, saıysqa qatysýshylarǵa sáttilik tiledi. V Respýblıkalyq azanshylar saıysynda Elorda namysyn qorǵaıtyn úmitkerler arasynan júırigin anyqtaýǵa qatysyp, júldegerlerge marapat syılyqtaryn tabystady.

Aıta keteıik, ókildik boıynsha ótkizilgen azanshylar saıysyna «Yryskeldi qajy» meshitiniń bas ımamy Iahııa qajy Abdollauly, «Áziret Sultan» meshitiniń naıb ımamy Ádilhan Imanáliuly, «Ál-Farabı» meshitiniń ustazy Nurıddın Kýler qazylyq jasap, qatysýshylardyń qabiletterin tekserdi.

Saıys qorytyndysy boıynsha Ádemi áýezdi azanshy» V respýblıkalyq azanshylar saıysynyń Nur-Sultan qalasy boıynsha irikteý jarysynyń bas júldesi «Áziret Sultan» meshitiniń azanshysy Shaýdyrbaı Erbolatqa buıyrdy. Júldeli II orynǵa «Ál-Ǵanı» meshitiniń azanshysy Abdýlbasıt Hadyrshaev laıyq dep tanylsa, «Ál-Farabı» meshitiniń azanshysy Amanjolov Altynbek III oryn ıelendi. Júldegerler men qatysýshylardyń barlyǵyna qarjylaı syılyqtar berildi.