ELORDADA TUŃǴYSh RET «MEDRESE TEMIR ADAMY» RESPÝBLIKALYQ SAIYSY ÓTTI (FOTO)

Búgin Astana qalasyndaǵy «Qazaqstan» sport kesheninde I Respýblıkalyq Medresearalyq «Medrese temir adamy» sporttyq saıysy ótti. Qazaqstan musylmandary dinı basqarmasy men Astana ókildigi jáne «Astana» medresesiniń uıytqy bolýymen tuńǵysh ret respýblıka kóleminde ótken dúbirli dodaǵa elimizdegi toǵyz medrese jáne Hýsamýddın Syǵanaqı ınıstıtýynyń shákirtteri qatysyp, saıys kórigin qyzdyrdy.

Úmitkerlerdiń bilek kúshi men bilimin qatar sarapqa salatyn «Medrese temir adamy» respýblıkalyq saıysy elimizdiń túkpir-túkpirindegi shákirtter arasynda tanystyq, dostyq ornatyp, salaýatty ómir saltyn nasıhattaýǵa baǵyttalǵan biregeı qadam bolmaq. Aıtýly sharaǵa arnaıy qatysqan QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov shara mańyzdylyǵyn osylaı atap ótip, qatysýshylarǵa Bas múftı Naýryzbaı qajy Taǵanulynyń duǵaı sálemin jetkizip, sáttilik tiledi.

Baıqaý eki nomınatsııa boıynsha ótkizildi: «Estafeta» nomınatsııasynda komandalar sýǵa júzý (100m), júgirý (400m), sadaq atý (18m) kezeńderi  boıynsha kúsh jarystyrdy jáne ár kezeńge bir shákirtten qatysty.

Al «Temir adam» nomınatsııasy boıynsha ár medreseden tek bir ǵana shákirt qatysyp, sýǵa júzý (200m), Paıǵambar (s.ǵ.s) ómirbaıany boıynsha synaq (30 suraq), júgirý (2km), sadaq atý (15-20m) syndy tórt kezeńdi baǵyndyrýdaǵy kórsetkishteri esepke alyndy.

Baıqatý qorytyndysy boıynsha tómendegi shákirtteri I Respýblıkalyq «Medrese temir adamy» sporttyq saıysynyń jeńimpazy atanyp, juldeli syılyqtarǵa ıe boldy.

«Estafeta» nomınatsııasynyń 100 m qashyqtyqta sýǵa júzý kezeńi boıynsha:

1-oryn – Bekturov Danııal («Saryaǵash» medrese-kolledji)
2-oryn – Qurmanbek Rahym («Úshqońyr» medrese-kolledji)
3-oryn – Berdeken Pana («Oral» medrese-kolledji)

400 m qashyqtyqta júgirýden

1-oryn – Abdıssalamov Nııatdın («Úshqońyr» medrese-kolledji)
2-oryn – Óserbaı Ábdisattar («Hıbattýla Tarazı» medrese-kolledji)
3-oryn – Qanatqalı Jalǵas («Ábý Hanıfa» medrese-kolledji)

18 m qashyqtyqta sadaq atýdan

1-oryn –  Orynbasarov Eldar («Oral» medrese kolledji
2-oryn – Abylaı Dinmuhammedálı («Astana» medrese-kolledji)
3-oryn – Muratov Alıhan («Ábý Bákir Syddyq» medrese kolledji)

«Medrese temir adamy» nomınatsııasy boıynsha bas júlde – kishi qajylyq joldamasyn «Astana» medrese-kolledjiniń shákirti Bógenbaı Nurmuhammed qanjyǵasyna baılady.