Elordada tegin kitap almastyrý alańdary ashylady

Kitapqa jany qumarlarǵa jaǵymdy jańalyq. Elordada býkkrossıngtiń jańa oryndary ashylady, dep habarlaıdy elorda ákimdiginiń resmı saıty.

Iaǵnı, bul kitaptardy almastyratyn oryn. Máselen, siz buryn oqyǵan kitabyńyzdy alyp, ashyq býkkrossıng-aımaǵyna aparasyz. Ondaǵy kitap sóresine oqylǵan kitabyńyzdy qoıyp, siz oqymaǵan  kitaptardy alýyńyzǵa bolady. Aqysyz.

Býkkrossıng-aımaqtary adamdar kóp shoǵyrlanatyn oıyn-saýyq ortalyqtary, joǵary oqý oryndary men qoǵamdyq jerlerde ornatylady. Kitap almastyratyn  ár alańǵa «Rýhanı jańǵyrý»  baǵdarlamasy  aıasynda  otandyq jáne sheteldik klassıkterdiń esimi beriledi.

11-qyrkúıek kúni elordadaǵy Qazaq bıznes jáne tehnologııa ýnıversıtetinde jobanyń ashylý saltanaty ótedi. Sharaǵa belgili jazýshylar qatysyp, jastardyń kitapqa degen yntasyn arttyrý úshin kezdesýler ótkiziledi. Elimizdegi alǵashqy býkkrossıng-aımaǵy Taldyqorǵan qalasynda ashylǵan bolatyn. 

Alda respýblıka boıynsha 17 kitap almastyrý sharasyn ótkizý josparlanyp otyr. Jobany Nur-Sultan qalasy ákimdiginiń «Astana jastary» jastar resýrstyq ortalyǵy jáne «Social Development Center» QQ QR Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý» KEAQ-nyń granttyq qarjylandyrýy arqasynda júzege asyrmaq.