ELORDADA «QAJYLYQ – BES PARYZDYŃ BIRI» ATTY SEMINAR ÓTTI (FOTO)

Búgin Astana qalasyndaǵy «Áziret Sultan» meshitinde «Qajylyq – bes paryzdyń biri» atty Elorda ımamdaryna arnalǵan semınar ótti. QMDB Qajylyq bóliminiń meńgerýshisi Jandilla Bekjigitovtiń qatysýymen ótken jıynnyń basty maqsaty da – qajylyqtyń qadir-qasıetin pash etip, onyń jamaǵat aldyndaǵy, qoǵam aldyndaǵy jaýapkershiligin nasıhattaý boldy.

Osy oraıda QMDB qabyldaǵan «Qajynyń rýhanı kelbeti» tuǵyrnamasy taǵy bir talqylanyp, qajylyqqa qatysty jumys baǵyttary túzildi. Semınar sońynda belgili aqyn, jaqynda ǵana Túrkistan qalasynda ótken «Adamzattyń ardaǵy, qos dúnıe sardary» respýblıkalyq jyr músháırasynyń júldegeri Jákesh Ǵalym óleń oqyp, qajylyq saparyndaǵy áserlerimen bólisti.