Elordada musylman áıelderiniń dástúrli kıim úlgisi kórsetildi (FOTO)
Elordada Qazaqstan musylmandary dinı basqarmasy Áıel-qyzdar sektorynyń uıymdastyrýymen «Musylman áıelderiniń dástúrli kıim úlgisi» atty sán kórsetilimi ótti.
Erekshe sharaǵa QMDB tóraǵasy, Bas múftı Naýryzbaı qajy Taǵanuly arnaıy qatysyp, Dinı basqarma men elimizdiń túkpir-túkpirindegi meshitterdiń áıel jamaǵatyna alǵysyn bildirdi.
«Bizdiń asyl dinimiz kıimge, ásirese, áıel zatynyń kıim kıisine basa mán beredi. Óıtkeni keleshek urpaqtyń anasy uıatty, ımandy, salıqaly bolýy úshin onyń kıimi durys bolýy kerek. Alǵash ýahı túskende Paıǵambarymyz (oǵan Allanyń salaýaty men sálemi bolsyn) birinshi bolyp sharıǵatty jubaıy Hadısha anamyzǵa jetkizdi. Islam tarıhyndaǵy eń qurmetti áıel, aıaýly ana Hadısha (r.a.) Alla elshisine (oǵan Allanyń salaýaty men sálemi bolsyn) árdaıym demeý boldy. Sabyrly qalpymen, aqyldylyǵymen perzentterine úlgi boldy. Qıyn-qystaý kezeńde sabyrlyq tanytyp, erin syılap ótken Hadısha anamyz jánnattyq áıelderdiń qandaı bolýy kerektigin úıretip ketti.
Al qazaqta: «Áıel – qyryq shyraqty» deıdi. Óıtkeni, áıel bir qolymen besik terbetse, bir qolymen álemdi terbetedi. Ol san túrli synǵa sabyrmen shydap, tózimmen tóze biledi. Ózderińiz de pandemııa jaıylǵan sátten bastap meshitterimizge kómektestińizder. Betperde tigip, tegin tarattyńyzdar, ystyq tamaq daıyndap, qarttardyń, muqtajdardyń kóńilin taptyńyzdar. Tipti, elimizdegi áıel jamaǵaty Qurandy kún saıyn hatym etip, halqymyz úshin úzbeı duǵa jasady. Osylaısha, otbasylaryńyzǵa da jaqsy qarap, qazaq áıeliniń mártebesin taǵy bir bıikke kóterdińizder. Sizderge Alla razy bolsyn» dedi Bas múftı.
Budan keıin Naýryzbaı qajy Taǵanuly QMDB Áıel-qyzdar sektorynyń 19 aımaqtaǵy ókilderine, áıel ustazdardy alǵys hatpen marapattap, estelik syılyq tabystady.
Sán kórsetiliminde aıtysker aqyn Sara Toqtamysova, ánshi Qaraqat Ábildına ánnen shashý shashsa, Áıel-qyzdar sektorynyń ónerli qyzdary kúı tartyp, dástúrli ánge de kezek berdi.
Barlyq ókildikten kelgen qyz-kelinshekter búgingi ýaqytqa saı musylman áıelderiniń kıim úlgisin kórsetse, buǵan deıingi óńirlerde ótken sán kórsetilimderinen daıyndalǵan beınerolık kópshilik nazaryna usynyldy. Shara kezinde 100-ge jýyq sán úlgisi kórsetilse, qazaq mádenıetindegi kıim kııýge qatysty vıktorınalyq suraqtartar qoıylyp, durys jaýap bergen kórermenderge arnaıy syılyq tabystaldy.
Sán keshin qorytyndylaǵan QMDB Áıel-qyzdar sektorynyń jetekshisi Aqbópe Tilegenova:
«Bul joba jyl basynda oılastyrylyp, kóktem merekesinde ótedi dep josparlanǵan edi. Biraq Allanyń qalaýymen pandemııa jaǵdaıyna baılanysty keıinge qaldy. Sóıtip, sáti búginge túsip otyr. El basyna kún týǵan sátte januıasyna da, jan-jaǵyna da qamqor bola bilgen qyz-kelinshekterge Alladan tek jaqsylyq, bereke tileımin. Bul jobany aldaǵy ýaqytta da jetildirip, aýqymyn keńeıtemiz degen oıdamyz» dedi.
Cýretterdi «FOTOGALEREIa» aıdarynan kóre alasyzdar!
