ELORDADA MEShIT JASTARY ARASYNDA PIKIRTALAS SAIYSY ÓTTI (FOTO)

Keshe Astana qalasyndaǵy «Aqmeshit» meshitinde Jastar isi sektorynyń uıymdastyrýymen «Ǵalamtordyń paıdasy jáne zııany» atty pikirtalas saıysy ótti. Saıysqa qaladaǵy 12 meshit boıynsha 12 úmitker qatysyp, ǵalamtor jelisiniń paıdasy men zııanyn talqyǵa salyp, tushymdy oı-pikirlerimen bólisti.

Pikirtalas saıysyna Eýrazııa Ulttyq ýnıversıteti Jastar departamentiniń bas mamany Dáribaı Muratbek Ońtalapuly, QMDB Jastar isi sektorynyń meńgerýshisi Ádilet Kópen, «Áziret Sultan» meshitiniń naıb ımamy Tamırlan Ibraev jáne «Aqmeshit» meshitiniń bas ımamy Dáýren Mýslımovtar  shaqyrylyp, qatysýshylardyń arasynan úzdigin tańdaý tóreligi berildi.

Bas múftı bastamasymen jarııalanǵan «Islam jáne izgi qoǵam» jyly aıasynda uıymdastyrylyp otyrǵan pikirtalas saıysynyń da basty maqsaty – eldiń erteńi bolatyn jastar boıyna durys bilim sińirip, jaqsy-jamannyń jigin aıyra alatyn parasatty azamat bolyp qalyptasýyna septigin tıgizý. Saıysqa qatysýshy úmitkerler de osy maqsat úddesinen tabylyp, kórermen jamaǵat aldynda óz bilimderi men sheshendik ónerlerin pash etti.

Saıys qorytyndysy boıynsha qatysýshylardyń barlyǵyna arnaıy «Alǵys hat» tabystalyp, qarjylaı syılyqpen marapattaldy. Qazylar alqasynyń sheshimimen Álibek Talǵatuly «Úzdik spıker» dep tanyldy.

Sýretter toptamasyn «FOTOGALEREIa» aıdarynan kóre alasyzdar!