Elordada HI Respýblıkalyq Quran jarysyna irikteý ótti (FOTO)

Búgin el astanasy Nur-Sultan qalasy boıynsha HI Respýblıkalyq Quran jarysyna irikteý saıysy ótti. Qalalyq «Rahymqyzy Raısa ana» meshitinde ótken dúbirli dodaǵa 25-ke jýyq úmitker qatysyp, «10 para», «20 para», «30 para» jáne «Mánerlep oqý» atalymdary boıynsha baq synasty.

Saıysqa Nur-Sultan qalasynyń bas ımamy Erbolat Júsipov, «Áziret Sultan» meshitiniń naıb ımamdary Jumanazar Sadyrhanov pen Ádilhan Serikbaı, «Ál-Farabı» meshitiniń ustazy Kýler Nýrıddın qarılar qazylyq jasap, kil myqtynyń arasynan shyn júırigin anyqtaýǵa tyrysty.

Jamaǵat aldynda synǵa túsken jas qarılar óz qabiletterin pash etip, Allanyń kálamy – qasıetti Quran kárimmen qanshalyqty dos ekendikterin kórsetti. Kún uzaqqa sozylǵan saıys nátıjesin shyǵarý qazylar alqasy úshin de ońaıǵa soqpady. Degenmen, baby men baǵy kelisken tómendegi qatysýshylar aldaǵy kúnderi HI Respýblıkalyq Quran jarysynda Elorda namysyn qorǵaıtyn bolyp sheshildi.

Aıta keteıik, jeńimpazdar men júldegerlerdiń barlyǵy arnaıy ókildik dıplomy tabystalyp, qarjylaı syılyqpen marapattaldy. Sondaı-aq, irikteý saıysyna qatysýshylardyń barlyǵyna  uıymdastyrýshylar atynan syıapat berildi.

«10 para» atalymy boıynsha:
1-oryn – Skakov Omar
2-oryn – Jalılov Iasın

«20 para» atalymy boıynsha
1-oryn –Hamıtov Myrzabek
2-oryn – Abıshev Dinmuhammed
3-oryn – Oljabaev Muhamedálı
3-oryn – Nurlanuly Murtaza

«30 para» atalymy boıynsha
1-oryn – Nurmuhammed Sultan
2-oryn – Hakımov Fazlıdın
3-oryn – Abdıkadırov Gıesjon

«Mánerlep oqý» atalymy boıynsha
1-oryn – Ismaılov Azamjan
2-oryn – Nurmuhammed Jasulan
3-oryn – Amanjol Parasat

Источник: Aidos