ELORDADA II RESPÝBLIKALYQ ÝAǴYZShYLAR FORÝMY ÓTTI (FOTO)

Búgin Astanada Qazaqstan musylmandary dinı basqarmasynyń uıymdastyrýymen «Qoǵamda izgilikti nasıhattaýdyń mádenıeti» II Respýblıkalyq ýaǵyzshylar forýmy ótti.

Forým jumysyna QR Memlekettik keńesshisi Erlan Qarın, QMDB Tóraǵasy, Bas múftı Naýryzbaı qajy Taǵanuly, sondaı-aq onlaın jáne oflaın formatta 700-den astam ýaǵyzshy-ımamdar, Dinı basqarmaǵa qarasty Respýblıkalyq aqparattyq-nasıhat tobynyń músheleri qatysty.

Memlekettik keńesshi Erlan Tynymbaıuly Memleket basshysy Qasym-Jomart Toqaevtyń Ulttyq Quryltaıda kótergen adamgershilik jáne jaýapkershilik, ádildik jáne adaldyq, birlik pen yntymaq syndy qundylyqtardy qoǵamda keńinen dáripteýdiń mańyzyna aıryqsha toqtaldy. Sonymen qatar Prezıdent atap ótken áleýmettik keseldermen kúresýdiń ózektiligin tilge tıek etti.

Is-sharada baıandama jasaǵan QMDB Tóraǵasy, Bas múftı Naýryzbaı qajy Taǵanuly ýaǵyzshylardyń qoǵam aldyndaǵy jaýapkershiligi, jamaǵatqa danalyq jolmen nasıhat aıtýdyń mańyzy jaıly sóz qozǵady.
Forým jumysynda «Úgit-nasıhat aıtýdyń tártiptik erejesi» qujaty qabyldandy.

​