ELORDADA «ALASh QAIRATKERLERINIŃ RÝHANI USTANYMY» ATTY SEMINAR ÓTTI (FOTO)

Búgin Respýblıkalyq «Áziret Sultan» meshitinde «Alash qaıratkerleriniń memlekettik jáne rýhanı ustanymy» atty ımamdardyń bilimin jetildirý semınary ótti. Semınarǵa Astana qalasynyń bas ımamy Erbolat Júsipov bastaǵan elordalyq ımamdar qatysyp, alashtanýshy ári «Qazaq gazetteri» JShS Bas dırektory Dıhan Qamzabekulynyń dárisine qanyqty.

Dıhan Qamzabekuly Alash zııalylarynyń ómirin baıandap, ulttyq qundylyqtar men dindi saqtap qalýda «qazaq oqyǵandarynyń» yqpaly zor bolǵanyn aıtty. Sondaı-aq, qazaq baspasóziniń tarıhynan syr shertip, qazaq jastaryna shet eldiń mádenıetin emes, bilimin alýdyń mańyzdylyǵyn atap ótti. QR UǴA akademıgi Dıhan Qamzabekulynyń tushymdy baıandamasynan elorda ımamdary tyń aqparattarǵa qanyq boldy.