ELORDA TÓRINDE «TABIǴATTY AIaLAÝ – AMANAT» AKTsIIaSY ÓTTI (FOTO)

Keshe Elorda tórindegi Botanıkalyq baqta QMDB Astana qalasy ókildiginiń uıymdastyrýymen «Tabıǵatty aıalaý – amanat» atty shara ótti. Astana ókildiginiń Jastar isi sektoryna jaýapty din qyzmetkerleri baq kelýshilerin tabıǵatty aıalaýǵa shaqyryp, qorshaǵan ortany qorǵaýǵa úndedi. Shara barysynda arnaıy daıyndalǵan paraqshalar men táttiler taratylyp, tabıǵatty aıalaý – amanat ekendigi aıtyldy.

Eko-sharaǵa arnaıy qatysqan qala bas ımamy Erbolat Nuryldauly tabıǵattyń kútip-saqtaýdyń, ony keler urpaqqa búldirmeı aman jetkizýdiń mańyzdylyǵyn aıtyp, taratý jumystaryna da belsene qatysty. Aıta keteıik, «Tabıǵatty aıalaıyq!» aktsııasy Astana ókildigi boıynsha buǵan deıin de birneshe márte uıymdastyrylyp, Erbolat Nuryldauly barlyq sharalardyń  basynda ózi júrgen bolatyn.

Taratý jumystarynan soń din qyzmetkerleri saıabaqtaǵy qustarǵa jem shashyp, tabıǵat úndestigine óz úlesterin qosty. Shara sońynda salaýatty ómir saltyn nasıhattaý maqsatynda velosıpedpen saıabaq ishin aralady.