Elorda qarılary arasynda respýblıkalyq Quran jarysyna irikteý ótti (FOTO+VIDEO)

Búgin QMDB Nur-Sultan ókildigi boıynsha H Respýblıkalyq Quran jarysyna irikteý saıysy bolyp ótti. «Aqmeshit» meshitinde ótken dúbirli dodaǵa 30-ǵa jýyq úmitker baq synap, respýblıkalyq jarysta Elorda atynan qatysatyn qarılar anyqtaldy.

«10 para», «20 para», «30 para» atalymdary boıynsha synǵa túsken qatysýshylardyń jattaý qabileti men qyraǵatyn, tájýıdin elimizge belgili Jumanazar Sadyrhanov, Nurıddın Kúler, Murtaza Balahmet syndy qarılar tekserip, júzden júırigin anyqtaýǵa tyrysty. Aıta keteıik, belgili sebepterge baılanysty birneshe úmitkerdiń kele almaýyna oraı «Mánerlep oqý» atalymy ádilqazylar uıǵarymymen keıinge qaldyryldy.

Qasıetti Quran aıattary oqylyp, batamen bastalǵan shara shymyldyǵyn Nur-Sultan qalasynyń bas ımamy Erbolat Júsipov ózi ashyp, búgingi jarystyń mańyzdylyǵyn atap ótti. árbir árpi saýapqa tunǵan qasıetti Quran kárimdi jattaǵan qatysýshylarǵa da júrekjardy lebizin arnap, barshasyna sáttilik tiledi.

Birinen-biri oza shapqan úmitkerler arasynan shyn úzdigin anyqtaý ádilqazylarǵa qıynǵa soqqanymen, baby men baǵy qatar janǵandar jeńis tuǵyrynan tabyldy. Júldegerler men jeńimpazdardyń barlyǵy da arnaıy dıplommen marapattalyp, qarjylaı sertıfıkatka ıe boldy.

«10 para» atalymy:
1-oryn –  Skakov Omar
2-oryn – Saıdov Saırıddın
3-oryn – Nurmuhammed Talantuly

«20 para» atalymy:
1-oryn –  Sultan Jasulanuly
2-oryn – Ábdimútálipuly Nurmuhammed
3-oryn – Hakımov Azızhldja

«30 para» atalymy:
1-oryn –  Dáýken Qaıyrbaı
2-oryn – Hakımov Ahmadhodja
3-oryn – Rahmatov Mahmadamın

Aıta keteıik, ústimizdegi jyldyń 6-7 qazan kúnderi Túrkistan qalasynda H respýblıkalyq Quran jarysy ótetin bolady.

Sýretterdi «FOTOGALEREIa» aıdarynan kóre alasyzdar!