ELORDA MEShITTERINIŃ ShÁKIRTTERI «ALTAIDAN AÝǴAN EL» QOIYLYMYN TAMAShALADY (FOTO)

Keshe QMDB Astana qalasy ókildigi Jastar isi sektorynyń uıymdastyrýymen Elordadaǵy 13 meshittiń 500-den astam shákirtteri «Altaıdan aýǵan el» qoıylymyn tegin tamashalady. Astana tórindegi Q.Qýanyshbaev atyndaǵy Memlekettik akademııalyq Qazaq ulttyq mýzykalyq drama teatrynda ótken arnaıy sharaǵa «Astana» medrese-kolledjiniń jáne Eýrazııa Ulttyq ýnıversıtetiniń stýdentteri, ımamdar men ustazdar qaýymy da qatysyp, rýhanı tolqyp qaıtty.

Astana ókildiginiń arnaıy suraýymen kórermenderge keshegi ker zamandarda tarydaı shashyraǵan qazaqtyń Altaıdan Anadolyǵa deıingi azapty joly, qaraly kóshin sýrettegen «Altaıdan aýǵan el» qoıylymy qoıylyp, kópshiliktiń kózine jas uıalatty.

Qoıylymnan soń Astana qalasynyń bas ımamy Erbolat Júsipov sahnaǵa kóterilip, teatr ujymyna kórermender atynan sheksiz alǵysyn bildirdi. Sondaı-aq, búgingi sharanyń mańyzdylyǵyna toqtalyp, osyndaı ıgi iske qoldaý kórsetken teatr ujymyna syı-sııapat tabystap, izgi tilegin bildirdi.

Budan soń kórermender arasynda arnaıy vıktorınalyq saıys uıymdastyrylyp, búgingi sharanyń umytylmastaı áseri ármen qaraı jalǵasa tústi. Jastar isi sektorynyń uıytqy bolýymen durys jaýabyn tapqan jandarǵa arnaıy syılyqtar tabystaldy.

Sýretter toptamasyn «FOTOGALEREIa» aıdarynan kóre alasyzdar!