ELORDA MEShITTERINIŃ RAMAZAN AIYNA DAIYNDYǴY PYSYQTALDY (FOTO)

Respýblıkalyq Bas meshitte keńeıtilgen jıyn ótip, QMDB Astana qalasy ókildigine qarasty meshitterdiń aldaǵy qasıetti Ramazan aıyna daıyndyǵy jan-jaqty talqylandy.

Jıynda QMDB tarapynan bekitilgen Ramazan jospary tanystyrylyp, Astana qalasynyń bas ımamy Erbolat Júsipov meshit bas ımamdaryna naqty tapsyrmalar júktedi.

Sonymen qatar, ókildiktiń ár salaǵa jaýapty mamandary baıandama jasap, aldaǵy josparlarmen bólisti. Meshitterde taraýıh namazynyń ótkizilý tártibi, jamaǵatqa ýaǵyz-nasıhat jumystary, aýyzashar uıymdastyrý jáne qaıyrymdylyq sharalaryn júıeli túrde júzege asyrý máseleleri talqylandy. Sanıtarlyq tazalyqty saqtaý jáne kelýshilerge barynsha yńǵaıly jaǵdaı jasaýǵa erekshe nazar aýdaryldy.

Aıta keteıik, aldaǵy Ramazan aıynda elorda meshitterinde túrli qaıyrymdylyq sharalary uıymdastyrylyp, jamaǵatqa rýhanı-tanymdyq baǵdarlamalar usynylatyn bolady.

Sýretterdi tolyǵyraq «FOTOGALEREIa» aıdarynan kóre alasyz!