Elorda meshitteriniń Qurban aıtqa daıyndyǵy pysyqtaldy (FOTO)

Isi musylman qaýymyna qasıeti erekshe Qurban aıt merekesi qarsańynda QMDB Nur-Sultan qalasy ókildigi boıynsha daıyndyq jumystaryn pysyqtaý jınalysy ótti. Qala bas ımamy Erbolat Júsipovtiń tóraǵalyǵymen ótken alqaly jıynǵa qala meshitteriniń bas ımamdary men jaýapty ókilderi qatysyp, Qurban aıt merekesine daıyndyq jumystaryn talqylady.

Qala bas ımamy Erbolat Júsipov Qurban aıt kezindegi qulshylyq ordalaryndaǵy jalpy tártip pen tazalyqtan bastap, aıt namazynyń oqylýy, meshit aýlasyndaǵy merekelik is-sharalar jáne «Rabbyń úshin qurban shal!» aktsııasy atqarylatyn qurbandyq shalý jumystary boıynsha daıyndyq jumystaryn tyńdap, ár baǵyt boıynsha jaýapty qyzmetkerlerdi bekitti.

Aıta keteıik, QMDB Nur-Sultan qalasy ókildigi bıylǵy jyly «Shanhaı» bazary jáne «Shopan ata» bazary – osy eki orynda «Rabbyń úshin qurban shal!» aktsııasyn ótkizetin bolmaq.

Sýretterdi «FOTOGALEREIa» aıdarynan kóre alasyzdar!