Elorda meshitteriniń áıel jamaǵaty Máýlit merekesin toılady (FOTO+VIDEO)

Nur-Sultan qalasy ókildigi Áıel-qyzdar sektorynyń uıymdastyrýymen keshe «Paıǵambarǵa saǵynysh» atty Máýlit keshi bolyp ótti. Alla Elshisi (s.ǵ.s.) týylǵan Máýlit aıynyń qurmetine oraı Elorda meshitteriniń áıel jamaǵatyna arnaıy aq dastarhan jaıylyp, merekelik baǵdarlama usynyldy.

Merekelik keshke Nur-Sultan qalasynyń bas ımamy Erbolat Júsipov arnaıy qatysyp, izgi tilegin bildirdi. Sondaı-aq, jamaǵat arasynan abyz ájeler de óz tilekterin jetkizip, batasyn berdi. Qasıetti Quran aıattarymen ashylǵan merekelik keshte aıasynda Paıǵambarymyzǵa (s.ǵ.s.) salaýattar joldanyp, eki dúnıe sardarynyń (s.ǵ.s.) ómiri men ónegesi, tálimi men tárbıesi keńinen nasıhattaldy.

Nur-Sultan qalasyndaǵy «Astana» qyzdar medresesiniń shákirtteri de Máýlit keshine óz úlesterin qosyp, rýhanı mánin arttyra tústi. Shákirtter qyzdar daıyndaǵan «Qajylyq» atty sahnalyq qoıylymy kórermenniń ystyq yqylasyna bólenip, kózderine jas keltirdi. Sondaı-aq, «Sádýaqas Ǵylmanı» meshitiniń ustazy Aıgúl Kóksegenqyzynyń Alla Elshisi (s.ǵ.s.) jaıly ýaǵyzy da qatysýshylardyń júrekterin terbetip, Paıǵambarǵa degen mahabbattaryn kúsheıte tústi.

Buǵan qosa, elimizge belgili Estrada ánshileri Altynaı Jorabaeva men Laýla Kaırdenovalar kórermenge ánnen shashý shashyp, kesh kórigin qyzdyra tústi. Sondaı-aq, Aıajan Beıbitqyzy «Paıǵambarǵa saǵynysh» atty monology arqyly kórermendi tereń oıǵa jeteledi.

Kesh barysynda kórermenderge arnalyp vıktorınalyq suraq-jaýap oınatylyp, qatysýshylardyń Paıǵambarymyzǵa (s.ǵ.s.) qatysty bilimderi sarapqa salynady. Jaýabyn durys tapqan jandarǵa arnaıy syılyqtar berilip otyrdy.

Kesh sońynda Nur-Sultan ókildigi Áıel-qyzdar sektorynyń jetekshisi Dınara Qutqojaqyzy quttyqtaý lebizin bildirip, Máýlit keshine qatysqan barsha jamaǵatqa alǵysyn bildirdi.

Sýretter toptamasyn «FOTOGALEREIa» aıdarynan kóre alasyzdar!