ELORDA MEShITTERINDE SENBILIK ÓTTI (FOTO)

Qazaqstan musylmandary dinı basqarmasy Astana qalasy ókildigine qarasty meshitterde senbilik is-sharasy ótti. 

Is-shara barysynda meshit aýlalary tazartylyp, aǵash kóshetteri otyrǵyzyldy. Meshit qyzmetkerleri men jamaǵat tazalyq jumystaryn júrgizip, qorshaǵan ortanyń kórkeıýine atsalysty. Senbilikke qatysýshylar aýla ishin qoqystan tazartyp, aǵash túpterin áktedi. 

Paıǵambarymyz (Allanyń oǵan ıgiligi men sálemi bolsyn): «Alla Taǵala – jomart, jomart quldaryn jaqsy kóredi. Alla Taǵala – taza, tazalanǵandardy jaqsy kóredi. Sondyqtan, úılerińizdiń mańaıyn taza ustańyzdar»[ Tırmızı] – dep bizderge Alla Taǵalanyń jaqsy kóretin quldarynyń qatarynan kóringimiz kelse qorshaǵan ortamyzdyń tazalyǵyna mán berýimiz kerek ekenin bildiredi.

Sonymen qatar, bizderdi Allanyń qarǵysyna ushyrap qalmaýǵa shaqyryp: «Abaılańyzdar, qarǵys atqandardyń qatarynan bolyp qalmańyzdar. Olar – el júretin jolǵa, el kóleńkeleıtin aǵashtyń túbine, ózen, kóldiń jaǵasyna dáret syndyryp lastaıtyndar», - deıdi.

Atam qazaq urpaqtaryna «Juǵyn bar jerde shybyn bar, shybyn bar jerde shyǵyn bar» – degen maqalmen, úıdiń aınalsynda nájistiń juǵyny da bolmaý kerektigin  úıretken.

Источник: Aidos