ELORDA MEShITTERINDE ORAZA AIT MEREKESI ATALYP ÓTTI (FOTO)

Búgin elorda meshitterinde Oraza aıt namazy oqylyp, jamaǵat ulyq meıramnyń qýanyshyn bólisti. QMDB-nyń Astana qalasy ókildigine qarasty barlyq meshitterde tańsáriden jınalǵan musylman qaýymy qasıetti kúnniń berekesine keneldi.

Aıt namazyna qatysqan jamaǵat duǵa jasap, bir-birin merekemen quttyqtady. Meshit ımamdary Oraza aıttyń mán-mańyzy jaıynda ýaǵyz aıtyp, baýyrmaldyq pen meıirimdilikke úndedi.

Din men dástúr sabaqtastyǵyn nasıhattaý maqsatynda meshit aýlalarynda kıiz úıler tigilip, jamaǵatqa ulttyq taǵamdar usynyldy. Sondaı-aq, asyq atý, qol kúres, bórene kóterý, serke kóterý, arqan tartý, kir (gır) kóterý syndy ulttyq oıyndar uıymdastyrylyp, merekelik sharalardyń kórki qyza tústi. Aıt merekesi aıasynda balalarǵa arnaıy syılyqtar taratyp, búldirshinderdiń kóńiline qýanysh uıalatty. Sonymen qatar, muqtaj otbasylarǵa qaıyrymdylyq jasaldy.

Aıta keteıik, Oraza aıt – musylmandar úshin qasıetti meıramdardyń biri. Bul kúni musylmandar baýyrlastyqty arttyryp, ózara renishterin keshirip, qýanyshty birge bólisedi.

Источник: Aidos