Elorda meshitteri «Biz birgemiz» chellendjine qyzý qoldaý kórsetýde (FOTO)

Elimizde jarııalanǵan tótenshe oqıǵaǵa oraı jaqynda Elbasy Nursultan Ábishulynyń bastamasymen «Biz birgemiz» qaıyrymdylyq aktsııasy bastalǵan bolatyn. Aktsııa aıasynda muqtaj otbasylarǵa áleýmettik kómek kórsetýge qarjy bólinip, syndarly sátte el turǵyndaryna qoldaý jumystary júzege asyrylýda. Qazirgi ýaqytta azyq-túlik qorymen qatar, gıgıenalyq zattar (betperde, tazartqysh suıyqtyqtar, sýly maılyqtar, t.b.) qosa salynǵan qoraptar elimizdiń eki qalasynda arnaıy taratylý ústinde.

Aıta keteıik, qala shetindegi saýda ortalyǵynyń qoımasynan kún saıyn Elordamyzdaǵy 500 otbasyǵa áleýmettik paket daıyndalyp taratylyp keledi. Atalmysh qoraptardy egde adamdar men kópbalaly otbasylarǵa, áleýmettik az qamtylǵan otbasylarǵa arnaıy jetkizý jumystaryna da qosymsha jumys kúshiniń qajettigi týyndap keledi.

Osy oraıda QMDB Nur-Sultan ókildigine qarasty meshit qyzmetkerleri ıgi iske belsene atsalysyp, qıyn-qystaý kúnde kómekke muqtaj jandarǵa qolǵabys tıgizip qaıtty. Jalpy jospar boıynsha, qaıyrymdylyq aktsııa sharapaty Nur-Sultan qalasy boıynsha 5000 otbasyny qamtymaq. El basyna kún týǵan qıyn shaqta muqtaj jandarǵa meıirim tókken «Biz birgemiz» qaıyrymdylyq aktsııasy sáýir aıyna deıin jalǵasatyn bolmaq.