Elorda ımamdaryna ıhsan kitaby tanystyryldy (FOTO)

Qazaqstan musylmandary dinı basqarmasynyń Nur-Sultan qalasy ókildigi jýyrda ǵana qalyń oqyrmanǵa jol tartqan QMDB tóraǵasy, Bas múftı Naýryzbaı qajy Taǵanulynyń «Ihsan – rýhanı tárbıe negizi» atty eńbegin elorda ımamdaryna jan-jaqty túsindirdi.

Nur-Sultan qalasynyń Bas ımamy Erbolat Júsipov jalpy ıhsan iliminiń mańyzdylyǵy men qundylyǵyn túsindire kele, atalmysh eńbekti ýaǵyz-nasıhat jumystarynda da qoldanýǵa bolatyn úlken oqý quraly ekenin atap ótti. Sondaı-aq, jergilikti din qyzmetkerlerine osy turǵydan naqty tapsyrmalar júktedi.

Basqosý sońynda elordanyń árbir meshitine arnaıy ázirlengen kitap qorjyndary tabys etildi.

«Ihsan – rýhanı tárbıe negizi» kitabynyń shyqqanyna az ýaqyt bolsa da búgingi kúni kópshilik oqyrmannyń ıhsan ilimine degen qyzyǵýshylyǵy men tańdanysyn oıatyp, ystyq yqylasyna bólendi desek bolady. Úshbý eńbek arqyly elimizdiń jan-jaqtaǵy aımaqtarynda kisini adamgershilik pen izgilikke baýlıtyn ıhsan ilimi dáriptelýde.