ELORDA IMAMDARYNA «ALASh QAIRATKERLERINIŃ BIRLIGI» ATTY SEMINAR UIYMDASTYRYLDY (FOTO)

Búgin Astana qalasyndaǵy «Sádýaqas qajy Ǵylmanı» meshitinde Elorda ımamdaryna arnalǵan «Alash qaıratkerleriniń birligi» atty tarıhı-tanymdyq semınar uıymdastyryldy. Semınarǵa qala bas ımamy Erbolat Júsipov bastaǵan din qyzmetkerleri qatysyp, Alash qaıratkerleriniń ómir men ónegesine qanyqty.

Ashylý sózin sóılegen Astana qalasynyń bas ımamy Erbolat Júsipov alashtaný ǵylymynyń, olardyń ónegesiniń búgingi dinı qyzmetkerler men qoǵam úshin mańyzdylyǵyna toqtaldy. Bas múftı Naýryzbaı qajy Taǵanulynyń baǵdarlyq baıandamasynda dinı kadrlardyń ulttyq rýhanııatty qanyq bilýi kerektigi aıtylyp, el medreselerine «Alashtaný» páni engizý jospary jaıly aıta kelip, osy bastama aıasynda ótip jatqan búgingi sharaǵa rızashylyǵyn jetkizdi.

Semınar spıkeri jýrnalıst, abaıtaný, ulttyq dúnıetanym taqyrybyn zerdelep júrgen Orazbek Saparhan «Alash qaıratkerleriniń birligi: qalyptasý sebepteri men alǵysharttary, formasy men mazmuny» atty dáris oqydy. Dáris barysynda Alash qaıratkerleriniń qaıratkerlik tulǵasy men ózara bereke-birliginiń qalyptasý sebepteri, alǵysharttary, qozǵalystyń oıaný Evalıýtsııasy, Alash Ordanyń joǵarǵy saıası Elıtasy arasyndaǵy birliktiń formasy men mazmunyn tarıhı oqıǵalarmen, naqty faktilermen baıandaldy.

Источник: Aidos