ELORDA IMAMDARY «QUNANBAI QAJY» MEShITIN ZIIaRAT ETIP QAITTY (FOTO)

QMDB Astana qalasy ókildiginiń din qyzmetkerleri «Darhan dala» jobasy aıasynda Qarqaralydaǵy «Qunanbaı qajy» meshitine zııarat jasap, babalar rýhyna Quran qatym duǵasyn baǵyshtap qaıtty. Qala bas ımamy Erbolat Júsipov bastaǵan din qyzmetkerleri saýapty sapar bastalysymen árqaısysy eki paradan Quran oqyp, jol uzaqtyǵyn saýappen almastyrdy.

XIX ǵasyrdyń boı kótergen qulshylyq ordasyn tamashalap, tarıhymen tanysqan elordalyq ımamdar «Qunanbaı qajy» meshitinde arnaıy Quran hatym duǵasyn jasady.

Saýapty sapar aıasynda ımamdar toby Qarqaraly aýdandyq tarıhı-ólketaný murajaıyna da arnaıy at basyn tirep, jergilikti óńirdiń tereń tarıhymen tanysty.

Sapar sońynda «Islam – yntymaq pen birlik jyly» aıasynda Qaraǵandy oblysynyń ımamdarymen aq dastarhanda bas qosyp, keleli májilis ótkizdi. Ataýy ánge qosylǵan ataqty Qarqaraly óńiriniń qonaqjaı peıiline rızashylyqtaryn bildirip qaıtty.