Elorda ımamdary qalalyq senbilikke qatysty (FOTO)

Búgin Elordada «World Cleanup day 2021» búkilálemdik aktsııasy sheńberinde ótken jalpyqalalyq senbilikke Nur-Sultan ókildiginiń qyzmetkerleri de belsene atsalysyp, qala abattandyrý jumystaryna óz úlesterin qosty. Nur-Sultan qalasynyń bas ımamy Erbolat Júsipov bastaǵan 12 meshit qyzmetkerleri Táýelsizdik dańǵyly men Panfılov qıylysyndaǵy saıabaqqa aǵash otyrǵyzyp qaıtty.

Aıta keteıik, búgingi senbilik sharasyna qala boıynsha 257 qyzmet kórsetý uıymy qatysyp, 200-den astam arnaıy tehnıka bólingen kórinedi. Saıabaqtaǵy senbilik jumysyna qala ákimi Altaı Kólginov arnaıy qatysyp, jamaǵatpen júzdesti.  

«Búgin jalpyqalalyq senbilik aıasynda tek osy saıabaqtyń ózinde aǵash otyrǵyzýǵa 1200 adam qatysyp otyr. Jalpy qalamyzda 2500 túp tal-terek, aǵash egip jatyrmyz. Oǵan qoldaý kórsetken qala turǵyndaryna, jastarǵa, ujymdarǵa, barsha janashyr azamattarǵa rızashylyǵymdy bildiremin», – dep izgi tilegin bildirdi qala ákimi.

Sýretter toptamasyn «FOTOGALEREIa» aıdarynan kóre alasyzdar!