Elorda ımamdary Qabanbaı batyr kesenesine zııarat jasady (FOTO)

Keshegi ótken demalys kúni Elorda ımamdary áıgili Qabanbaı batyr kesenesin zııarat etip, baba rýhyna Quran baǵyshtap qaıtty. Qazaqstan musylmandary dinı basqarmasynyń «Darhan dala» jobasy aıasynda júzege asqan zııarat saparyna Nur-Sultan qalasynyń bas ımamy Erbolat Júsipov bastaǵan bir top din qyzmetkerleri belsene atsalysyp, jeksenbi kúnin saýapqa toly ótkizdi.

Aıta keteıik, XVIII ǵasyrda ómir súrgen qazaq halqynyń aıtýly batyrlarynyń biri, ataqty qolbasshy Qabanbaı batyr mazary Aqmola oblysyndaǵy Qyzyljar eldimekeninde ornalasqan. Kesene batyrdyń dýlyǵasyna uqsatylyp salynǵan.

Zııarat barysynda Elorda ımamdary batyr babamyzdyń máńgilikke damyl tapqan mekenimen tanysyp, rýhyna Quran baǵyshtaýmen qatar, kesene shyraqshysy men kelýshilerge «Zırat jáne zııarat mádenıeti» jaıly aqparat aıtyp, QMDB «Darhan dala» jobasynyń mańyzdylyǵyn jetkizdi.

2020 jyly ótken IV Imamdar forýmynda «Zırat jáne zııarat mádenıeti» qujaty qabyldanǵan bolatyn. Atalmysh qujatta zırat kóterýdiń úkimderi, zırat kóterý mádenıeti, teńdik ustanymy, qulpytas qoıý mádenıeti, zırat qurylystary men kesene salý túrleri, zııarat jasaý ádebi, marqumdarǵa sálem berý, Quran oqý, zıratta kóńil bólinetin jaıttar, kesenelerdi zııarat jasaý, áıelderdiń zııarat jasaýy syndy birqatar máseleler qozǵalǵan. Biregeı qujat buǵan deıin Elorda meshitteriniń jamaǵatyna arnaıy tanystyrylyp, búkteme kúıinde taratylǵan da bolatyn.

Sýretterdi «FOTOGALEREIa» aıdarynan kóre alasyzdar!