ELORDA IMAMDARY KÓKShETAÝ ÓŃIRINIŃ TARIHI JERLERIMEN TANYSTY (FOTO)

Ótken aptanyń demalys kúnderin QMDB Astana qalasy ókildiginiń din qyzmetkerleri taǵy bir saýapty saıahatqa arnap, Kókshetaý óńiriniń tarıhı jerlerimen tanysyp qaıtty. «Darhan dala» jobasy aıasyndaǵy sapar barysynda Astana qalasynyń bas ımamy Erbolat Nuryldauly bastaǵan top Aqmola oblysynyń dinı ahýalymen tanysyp, bekitilgen jumys josparyna sáıkes tájirıbe almasty.

Qonaqtardy kútip alǵan oblys bas ımamy Qýanysh Jumabaıuly Býrabaı, Botaı turaǵy, Kenesary úńgirin tamashalatyp, tarıhymen tanystyrdy. Kóksheniń kórikti jerlerin kórsetip, ár tasy tarıhqa tunǵan mekenniń syrlaryna qanyqtyrdy.

Sapar sońynda elordalyq din qyzmetkerleri Býrabaı aýdandyq meshitinde jamaǵatpen júzdesip, birge qulshylyq jasady. Sondaı-aq, qonaqjaı peıil tanytyp, Kókshe óńiriniń tarıhı, kórikti jerlerimen ǵana tanystyryp qoımaı, qos ókildik arasynda áriptestik baılanys ornatyp, qoldaý bildirgeni úshin Aqmola oblysy ókildigine alǵystaryn bildirip, arnaıy estelik syılyq tartý etti.

Sýretter toptamasyn «FOTOGALEREIa» aıdarynan kóre alasyzdar!