ELORDA IMAMDARY ǴYLYMI DÓŃGELEK ÚSTELGE QATYSTY (FOTO)
Elordanyń din qyzmetkerleri Astana qalasyndaǵy Qoljazbalar jáne sırek kitaptar ulttyq ortalyǵynda ótken «Júsip Balasaǵun – túrki áleminiń uly oıshyly» atty ǵylymı dóńgelek ústelge qatysty.
Halyqaralyq Túrki akademııasynyń jáne L.N. Gýmılev atyndaǵy Eýrazııa ulttyq ýnıversıtetiniń tarıhshy-shyǵystanýshy ǵalymdary, arheologııa, Etnografııa, folklortanýshy zertteýshi mamandar jáne Aqjan ál-Mashanı atyndaǵy №92 mektep-lıtseıiniń oqýshylary qatysqan jıynda «Áziret Sultan» meshitiniń naıb ımamy Abdýlahad Ábdisattaruly spıkerler minberinen sóz sóılep, Júsip Balasaǵun babamyzdyń mol murasyn jáne din men dástúr qundylyqtaryn sóz etti.
Sondaı-aq, ǵylymı dóńgelek ústel barysynda Júsip Balasaǵunnyń túrki áleminiń uly oıshyly retinde tarıhta alatyn orny jáne onyń «Qutty bilik» dastanynyń Etıkalyq-dıdaktıkalyq kórkemdigi jáne kóne túrki jazbalaryndaǵy masnavı túrinde berilgen mátindik ereksheligi, basqa da tyń derekkózderdi aýdarý jáne ǵylymı aınalymǵa engizý jumystary talqylandy. Jıyn sońynda barlyq qatysýshylar estelikke sýretke tústi.
Sýretterrdi «FOTOGALEREIa» aıdarynan kóre alasyz!
Источник: Aidos
