ELORDA IMAMDARY EKOLOGIIaLYQ AKTsIIa AIaSYNDA SENBILIKKE QATYSTY (FOTO)
Astana qalasynda Dúnıejúzilik tazalyq kúnine oraı «Taza Qazaqstan. Astana - tazalyq pen tártiptiń úlgisi» Ekologııalyq aktsııasy ótti. Astana qalasy Din isteri jónindegi basqarmasynyń qoldaýymen júzege asqan senbilik jumystaryna Astana qalasynyń Bas ımamy Erbolat Júsipov bastaǵan Elorda ımamdary da atsalysyp, aktsııaǵa óz úlesterin qosty.
Sondaı-aq ártúrli birlestikter men eriktiler qatysqan jalpyqalalyq senbilik barysynda qala aýmaǵynda aǵashtar otyrǵyzylyp, tabıǵatty kógaldandyrý jumystary júrdi. Mundaı ıgi bastamalar Ekologııalyq máselelerge nazar aýdarýmen qatar, túrli dinı konfessııalar arasyndaǵy yntymaqtastyqty nyǵaıtyp, qoǵamnyń birligin arttyrýǵa septigin tıgizeri sózsiz.
Tabıǵat – bárimizdiń ortaq jaýapkershiligimiz. Qorshaǵan ortany qorǵaý – árbir azamattyń boryshy. Búgingi ıgi bastama – erteńgi urpaqqa qaldyrar mura. Ardaqty Paıǵambarymyzdyń (oǵan Allanyń salaýaty men sálemi bolsyn) kózin kórgen Ábý Dárda (qartaıǵan shaǵynda) Damask qalasynda jemis kóshetin otyrǵyzyp jatsa, ony bir kisi kórip: «(Qartaıyp qaldyńyz ǵoı). Muny ne úshin istep jatsyz?» – dep surapty. Sonda Ábý Dárda oǵan: «Asyqpa, sabyr et! Bizden buryn kelgender kóshetter otyrǵyzdy, biz ony paıdalandyq, jemisin jedik. Endigi, egý, ósirý kezegi – bizdiki. Ony kelesi urpaq paıdalanady jáne jemisin jeıdi. Men Paıǵambarymyzdyń (Allanyń oǵan salaýaty men sálemi bolsyn): «Qandaı da bir musylman aǵash otyrǵyzsa nemese egin ekse, ol egistikten adamdar, janýarlar men jándikter, qustar jese, ol adam úshin sadaqa bolyp esepteledi» degenin estigem», – dep jaýap berdi.
