ELORDA BAS IMAMY MEShITTERDIŃ RAMAZAN AIYNDAǴY JUMYSYN PYSYQTADY (FOTO)

Qasıetti Ramazan aıy bastalǵaly qulshylyq ordalarynyń qyzmeti jandanyp, jamaǵattyń da qatary burynǵydan kóbeıe túsetini barshaǵa málim. Osyǵan oraı, QMDB Astana ókildiginiń bas ımamy Erbolat Júsipov qaladaǵy qulshylyq ordalarynyń jaı-kúıimen jekeleı tanysyp, Ramazan aıyndaǵy jumys josparyn pysyqtaı túsý maqsatynda ár meshitti arnaıy zııarat jasaýdy bastady.

Erbolat Nuryldauly apta basyndaǵy alǵashqy baqylaý júmysyn  «Tólebaı» meshitinen bastap,  besin namazyna jınalǵan jamaǵatpen júzdesti. Dinı basqarma tarapynan bekitilgen keste boıynsha besin ýaǵyzyn aıtyp, jamaǵattyń ótinish-tilekterin tyńdady. Namaz sońynda aqsaqaldan bata alyp, qulshylyq ordasynyń jumysyna sáttilik tiledi.

Zııarat barysynda meshit bas ımamy Ashat Salımov qasıetti Ramazan aıynda atqarylyp jatqan jumystar jaıly esep berip, taraýıh namazy men aýyzashar sharalary jaıynda baıandady. Meshittiń tazalyǵy men jamaǵatqa jaılylyq máseleleri de qozǵalyp, tekserý jumystary júrgizildi. Sondaı-aq, qulshylyq ordasynda birqatar jóndeý-árleý jumystaryn júrgizýdi josparlap otyrǵandaryn jetkizdi.

Aıta keteıik, ókildik tarapynan tekserý-qadaǵalaý jumystary qasıetti Ramazan boıy qala meshitteri boıynsha túgeldeı ótkiziledi.

Источник: Aidos