DINI ZATTAR SATATYN DÚŃGIRShEKTERGE TEKSERIS JÚRGIZILDI (FOTO)
Astana qalasynyń bas ımamy Erbolat Júsipovtiń tapsyrmasymen elorda meshitterindegi dinı zattar satatyn dúńgirshekterge tekseris jumystary júrgizildi.
«Áziret Sultan» meshitiniń naıb ımamy Oljas Baqytuly satylatyn taýarlardyń sapasyn baqylaý, sharıǵat talaptaryna sáıkestigin qamtamasyz etý jáne jamaǵatqa usynylatyn ónimderdiń zańdylyǵyn qadaǵalaý maqsatynda meshitter janyndaǵy dúkenderdi tekseristen ótkizdi.
Tekseris barysynda dúńgirshekterde satylatyn Quran kitaptary, duǵa jınaqtary, namazǵa arnalǵan jabdyqtar men basqa da dinı ónimder qaraldy. Taýarlardyń mazmuny, sapasy jáne zańdy qujattarynyń bolýy muqııat tekserildi. Sonymen qatar, sharıǵatqa qaıshy keletin nemese kúmándi mazmundaǵy zattardyń satylýyna jol bermeý máselesine erekshe nazar aýdaryldy.
Tekseris nátıjesinde keıbir dúńgirshekterge sapa standarttaryn jaqsartý jáne ónim túrlerin jańartý boıynsha usynystar berildi. Sondaı-aq, meshitterde saýda jasaý erejeleri men talaptaryn saqtaý qajettiligi eskertildi.
Aıta ketsek, Astana qalasynyń meshitterinde 12 dinı dúken jumys istep keledi.
Источник: Aidos
