DINI BASQARMANYŃ TÚRKIIaDAǴY ÓKILI TAǴAIYNDALDY

QMDB Ýaǵyz-nasıhat bóliminiń meńgerýshisi Batyrjan Mansurov pen Halyqaralyq baılanys jáne hattama bóliminiń meńgerýshisi Marat Bektazınov Qazaqstan Respýblıkasynyń Ystambul qalasyndaǵy Bas konsýly Nýrıdın Amanqulmen kezdesti.

Kezdesýde bólim meńgerýshileri QMDB Tóraǵasy, Bas múftı Naýryzbaı qajy Taǵanulynyń buıryǵymen taǵaıyndalǵan Túrkııa Respýblıkasyndaǵy «Talaba» stýdentter qaýymdastyǵynyń jańa jetekshisi Abdýrashıd Qarabaevty tanystyrdy. Sondaı-aq Dinı basqarmanyń 2024 jyly atqaratyn jumystary tilge tıek etildi. Odan bólek, dinı baǵytta bilim alýshy qazaqstandyq shákirtter jaıy da talqylandy.

Óz kezeginde Bas konsýl QMDB tarapynan taǵaıyndalǵan jańa ókil Abdýrashıd Qarabaevqa sáttilik tiledi.

Abdýrashıd Qarabaev – joǵary bilimdi, bilikti din qyzmetkeri. Almaty, Oral qalalarynda ımamdyq qyzmet atqarǵan. Qazirgi tańda Túrkııanyń Konıa qalasyndaǵy «Nejmettın Erbakan» ýnıversıtetinde doktorantýrada bilimin jalǵastyrýda.

​