DINI BASQARMA MOŃǴOLIIaNYŃ 75 IMAMYNA ShAPAN MEN SÁLDE SYILADY
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mońǵolııaǵa barǵan saparynda Baıan-Ólgeı qalasynda ımamdarmen kezdesti.
Basqosýda Bas múftı: «Biz shettegi qandastarymyzǵa, onyń ishinde ımamdarǵa barynsha qoldaý kórsetip kelemiz. Osyǵan deıin Almatydaǵy ımamdardyń bilimin jetildirý Islam ınstıtýtynda Altaıdan, Baıan-Ólgeıden kelgen qazaq ımamdar bilim alyp, dinı saladaǵy tájirıbesin shyńdady. Shettegi qazaq ımamdarynyń bilim alýyna barynsha jaǵdaı jasaı beremiz. Osyndaǵy 75 ımamǵa dinı qyzmet kezinde kıip júretin arnaıy shapan tiktirip keldik. Sonymen qatar «Muftiyat» baspasynan shyqqan birneshe kitabymyzdy, jumys isteýge arnalǵan kompıýter men tehnıkalyq quraldardy da qosa ala keldik. Alla Taǵala barshamyzǵa rýhanı birlik, shettegi qandastarymyzǵa tatýlyq pen bereke násip etkeı. Alla Taǵala jer betindegi barsha qazaqqa jar bolǵaı. Ámın!» dedi.
Kezdesý barysynda Mońǵolııa musylman uıymdary odaǵynyń tóraǵasy Batyrbek qajy Hadysuly QMDB Tóraǵasy Naýryzbaı qajy Taǵanulyna kórsetken qoldaýy úshin aıryqsha alǵysyn bildirdi.
