BÚGIN ASTANA MEShITTERINDE JAMAǴATQA «PÁTÝA SAǴATY» ÓTTI (FOTO)

Qazaqstan musylmandary dinı basqarmasynyń Astana qalasy ókildigine qarasty meshitterde ár juma saıyn jamaǵatqa arnalǵan «Pátýa saǵaty» turaqty túrde ótkizilip keledi. Bul ıgi bastama meshitke kelýshilerdiń dinı saýatyn arttyryp, sharıǵat máselelerin tereńirek túsinýine yqpal etýdi kózdeıdi.

«Pátýa saǵaty» barysynda meshittiń din qyzmetkerleri Qazaqstan musylmandary dinı basqarmasynyń Sharıǵat jáne pátýa bólimi tarapynan jáne Ǵulamalar keńesinde bekitilgen dinı úkimder men qaýlylardy jamaǵatqa jetkizip, olardy kúndelikti ómirde qoldanýdyń joldaryn túsindiredi. Sondaı-aq, qoǵamda kezdesetin túrli dinı máselelerdiń sheshimin tabýǵa kómektesip, durys baǵyt-baǵdar beredi.

Aıta keterligi, bul kezdesýlerde musylmannyń kúndelikti turmys-tirshiligine, qulshylyq amaldaryna, otbasy, qarym-qatynas jáne saýda sııaqty ómirdiń ár salasyna qatysty mańyzdy suraqtarǵa jaýap beriledi. Sharıǵat talaptaryna sáıkes, mundaı taqyryptardy ashyp túsindirý – jamaǵattyń dinı túsinigin arttyryp qana qoımaı, dinimizdiń negizgi qaǵıdalaryn ustanýǵa yntalandyrady.

Источник: Aidos