BÚGIN «AQ MESHIT» MEShITINDE «ÓNEGELI OTBASY QAǴIDATY» SEMINARY ÓTTI (FOTO)

QMDB Tóraǵasy, Bas múftı Naýryzbaı qajy Taǵanuly bekitken jyl josparyna saı Astana qalasy ókildigine qarasty «AQ MESHIT» meshitinde «Ónegeli otbasy qaǵıdaty» taqyrybynda semınar bolyp ótti.

Sharaǵa QMDB Sharıǵat jáne pátýa bóliminiń mamany Elbek Tasbolatuly, «Áziret Sultan» meshitiniń naıb ımamy Oljas Baqytuly jáne «AQ MESHIT» meshitiniń Bas ımamy Dáýren Múslımov bastaǵan qulshylyq úıiniń qyzmetkerleri men otbasylar qatysty.  

Semınar barysynda otbasynyń beriktigi men erli-zaıyptylardyń ózara qarym-qatynasy, otbasy músheleriniń tatýlyǵy men syılastyǵy syndy januıalyq máseleler jan-jaqty qamtyldy.

Sondaı-aq, búgingi kúni erli-zaıyptylar arasynda oryn alyp jatqan túrli áleýmettik máseleler tóńireginde qatysýshylar tarapynan suraqtar qoıylyp, olarǵa tushymdy jaýaptar aıtyldy.

Aıta ketsek, sharıǵatymyz kez-kelgen máseleniń durys sheshimin qarastyryp beredi. Ásirese, qazirgi ýaqytta sheshimin tappaıtyndaı kóringen keıbir otbasylyq máselelerdiń qarapaıym ǵana sheshimin ata dinimiz qarastyryp bere alady. Mine, osy turǵydan din mamandary árbir er azamat pen áıel kisige jaýapkershilik pen túsinistik, qurmet pen syılastyq sekildi ımanı qasıetter aýadaı qajet ekendigin eskertti.