BIYLǴY RAMAZANNYŃ SOŃǴY TARAÝIH NAMAZY OQYLDY (FOTO)

Búgin Elordadaǵy «Áziret Sultan» meshitinde bıylǵy Ramazan aıynyń sońǵy taraýıh namazy oqyldy. Qadir túnininen keıin Shymkent qalasynan arnaıy shaqyrylǵan jas qarı Ádilet Salaýatkereıuly ımamdyqqa shyǵyp, jamaǵatpen birge duǵa jasaldy. Asym qyraǵatynan Hafs jáne Shuǵba rıýaıatynan ıdjazasy bar jas qarıymyzdy qala bas ımamy Erbolat Nuryldauly jamaǵat aldyna arnaıy  tanystyrǵan bolatyn.

Qasıetti Ramazanmen qımaı qoshtasqan meshit qyzmetkerleri men jamaǵaty kelesi Ramazanǵa aman-esen jetkizýdi surap, jerimiz men elimizdiń tynyshtyǵyn tilep, Jaratqanǵa jalbaryndy. Ustaǵan orazalary men jasaǵan amal-áreketteriniń qabyl bolýyn surap, qasıetti aıdyń saýapty bolýyn tiledi.