Bir táýlik ishinde Sırııaǵa 1,2 myń bosqyn oraldy

Ótken jeksenbide Sırııaǵa Lıvan jáne Iordanııa memleketterinen 1,2 myń bosqyn qaıta oraldy.  Bul jaıynda Reseı bosqyndar qozǵalysyn baqylaý jáne qarsylas taraptardy tatýlastyrý ortalyǵynyń baıandamasynda aıtylǵan.

Naqtyraq aıtqanda, Sırııa jerine 1286 bosqyn qaıta oralǵan. Olardyń ishinde 1022 adam Iordanııa shekarasyndaǵy «Nasıb» ótkizý pýnkti arqyly kelse, Lıvan jerindegi «Djeıdet-Iabýs», «Tell-Kalah» pýnktinen 264 jan ótken.

Reseı bosqyndar qozǵalysyn baqylaý jáne qarsylas taraptardy tatýlastyrý ortalyǵynyń málimdeýinshe, ınjenerlik jasaq osy bir kún ishinde Deraa jáne Damask provıntsııasynyń 2,2 gektar jer mınadan tazartqan. Buǵan qosa, mamandar 32 jarylǵysh qurylǵynyń kózin joıǵan.